Омодагӣ ба зимистон хуб аст

Душанбе, 3 ноябр. (АМИТ «Ховар», Лаззат Диловарзод).- Ба гуфти  муовини раиси вилояти Суғд Муқбилҷон Қаюмов, дар вилоят 14 корхонаи саноатӣ, ки қаблан фаъолияти худро бо гази табиӣ ба роҳ монда буданд, акнун тавассути сӯзишвории арзон – хокаи ангишт фаъолият мекунанд, ки он аз газ дида чандин маротиба арзон ва дастрас карданаш ҳам осон аст. Феълан дар қаламрави вилоят 700 нуқтаи фурӯши ангишт    амал мекунад. Ба замми он даҳҳо ширкатҳои тиҷоратӣ барои ворид намудани гази моеъ аз хориҷи кишвар фаъолият доранд.Ба  иттилои манбаъ, дар қаламрави вилоят 214 нуқтаи фурӯши гази моеъ барои аҳолӣ вуҷуд дорад, ки он аз омодагии хуб ба тирамоҳу зимистони соли 2011 – 2012 гувоҳӣ медиҳад.