«Шукӯҳи шеъри Истиқлол»-и Камол Насрулло

Душанбе, 16 ноябр. (АМИТ «Ховар», Покиза Маҳмадбекова). — Дар театри мусиқию мазҳакавии ба номи Камоли Хуҷандӣ маҳфили эҷодии Шоири Халқии Тоҷикистон, дорандаи ҷоизаи ба номи устод Рӯдакӣ Камол Насрулло таҳти унвони «Шукӯҳи шеъри Истиқлол» баргузор гардид. Ба мухбири АМИТ «Ховар» аз Хадамоти матбуотии вилояти Суғд иттилоъ доданд, ки дар маҳфили идона мудири шӯъбаи масоили иҷтимоb. фарҳангӣ ва робитаҳои ҷамъиятии дастгоҳи hаиси вилоят А. Шарипов табрикоти Қ. Расулзодаро ба саҳми ҳозирин расонид. Дар чорабинӣ инчунин раиси Иттифоқи нависандагони Тоҷикистон Меҳмон Бахтӣ, Шоираи Халқии Тоҷикистон Фарзона, шоири ӯзбекзабон Мафтун Ҷӯра ва дотсенти ДДХ ба номи академик Б.Ғафуров Ҳабибулло Тоатов сухан гуфтанд. Бояд гуфт, ки дар маҳфили адабӣ аҳли қаламу эҷод, адибон, намояндагони шаҳру навоҳии вилоят, дӯстдорони каломи бадеъ ва санъаткорони шинохта иштирок намуданд.