Таҳаммулпазирии динй дар Амрико ва ҷаҳон

Душанбе, 2 ноябр. (АМИТ «Ховар», Фарҳоди Шомаҳмад).- Имрӯз  дар маркази «Муошират ва иттилоот»-и пойтахт  конфронси илмию  амалй зери унвони  «Дин, таҳаммулпазирй ва иттиҳод дар Амрико ва ҷаҳон» бо дастгирии сафорати Амрико дар Тоҷикистон баргузор шуд.  Дар он намояндагон аз Маркази татқиқоти стратегии назди Президенти  Ҷумҳурии Тоҷикистон, профессорони муассисоти таҳсилоти олӣ  ва имомхатибони масҷидҳои ҷомеи шаҳри Душанбе  ширкат варзиданд. Ҳотам Файзуллоев, раиси ташкилоти ҷамъиятии «Мотикон» зимни сӯҳбат ба хабарнигори АМИТ «Ховар» иброз намуд, ки ҳадаф аз баргузории конфронси мазкур пеш аз ҳама  бардошт ва муқоисаи таҳаммул пазирии динӣ  ва иттиҳоди байни давлатҳо мебошад.  Дар анҷом иштирокчиёни конфронс доир ба мавзӯъҳои «Таҳаммулпазирй ва осебпазирии он  дар ҷомеа», «Таҳаммулпазирии динй  дар Амрико ва ҷаҳон» маърӯза намуданд ва миёни  иштирокчиён дар ин бобат баҳсҳо сурат гирифтанд.