Таъминот бо барқ ба вазъи обу ҳаво вобаста аст

Душанбе, 4 ноябр. (АМИТ «Ховар», Лаззат Диловарзод).- Бино ба гуфти раиси ширкати саҳҳомии холдингии  кушодаи  (ШСХК) «Барқи тоҷик» Абдулло Ёров, ба ҳамаи зерсохторҳои ширкат  дар вилояту ноҳияҳо дастур дода шудааст, ки шабона дар маҳалҳое, ки иншооти ҳаётан муҳим надоранд, интиқоли барқро қатъ намоянд.Ба иттилои манбаъ, айни ҳол истифодаи барқ дар корхонаи «ТАЛКО»,  пойгоҳҳои обкашии Вазорати мелиоратсия ва захираҳои об,  дигар корхонаву  муассисаҳо  кам карда шудааст. Ин тадбир ба хотири бе мушкилоти ҷиддӣ паси сар кардани зимистони дар пешистода андешида шудааст.Ба гуфти А. Ёров, соли ҷорӣ бо сабаби хунук омадани тирамоҳ,  истифодаи оби обанбори Норак аз 26 – уми сентябр оғоз ёфт, ҳол он ки  соли 2010 истифодаи оби ин обанбори бузург аз 27 – уми октябр сар шуда буд. Сабаби ҷорӣ намудани маҳдудият ҳамчунин   бештар бо нерӯи барқ таъмин намудани аҳолӣ дар рӯзҳои сахти зимистон  аст.