Татбиқи барномаи «Мусоидат ба шуғли аҳолӣ» дар ноҳияи Румӣ

Душанбе, 1 ноябр.(АМИТ «Ховар», Меҳрубон Сатторова).-Тибқи нақшаи раёсати Агентии давлатии шуғли аҳолӣ ва муҳоҷират дар ноҳияи Румӣ дар 9 моҳи соли 2011   1960  ҷойи корӣ ташкил  шуд, ки 100,5 фоизи нақшаро ташкил медиҳад.  Дар доираи  барномаи «Мусоидат ба шуғли аҳолӣ» 56 нафар ба курсҳои кӯтоҳмуддати дӯзандагӣ ва компютерӣ равона шуда, 70 нафар ба корҳои ҷамъиятии хоҷагиҳои деҳқонӣ ҷалб  шуданд,-гуфт сардори раёсати Агентии мазкур  Анваршо Қодиров.Ҳамчунин ба 18 нафар шаҳванд қарзҳои имтиёзнок дода шуд, аз ин 5 нафараш зан мебошад. То имрӯз дар маркази ноҳия 9 ярмаркаи ҷойҳои  кории холӣ   гузаронида шудааст, ки 75 фоизи нақшаро ташкил медиҳад.