Таваҷҷӯҳи раиси вилоят ба қисмҳои ҳарбӣ

Душанбе, 28 ноябр. (АМИТ «Ховар», Бекназари Абӯбакр). — Бо супориши раиси вилояти Суғд ба дидбонгоҳҳои сарҳадии дар ҳудуди ноҳияи Спитамен ҷойгирбудаи қисмҳои ҳарбии 2850 ва 2857 кӯмаки моддӣ расонида шуд.Аз хадамоти матбуоти раиси вилояти Суғд ба АМИТ «Ховар» иттилоъ доданд, ки ба дидбонгоҳҳои сарҳадии «Ҳаштяк», «Қӯштегирмон», «Фармонқурғон» ва «Платина» маводи ғизоӣ, аз қабили орд — 1500 кг, макарон — 204 кг, равған — 150 кг, равғани зард — 50 кг, собун — 512 дона, картошка — 1600 кг, биринҷ — 200 кг, пиёз — 500 кг, гӯшт — 140 кг ва пӯшокӣ, амсоли пойафзол — 130 ҷуфт, либоси таҳпӯш — 250 адад супорида шуд.