Вуруди 29 ҳазору 704 тонна гази моеъ

Душанбе, 3 ноябр. (АМИТ «Ховар», Покиза Маҳмадбекова). – То имрӯз дар тамоми ҷумҳурӣ 507 адад нуқтаи фурўши гази моеъ фаъолият дорад, ки назар ба соли гузашта 37 адад зиёд мебошад. Ба мухбири АМИТ «Ховар» аз Вазорати энергетика ва саноати ҶТ иттилоъ доданд, ки аз тарафи соҳибкорони ватанӣ ба ҷумҳурӣ дар давраи ҳисоботӣ 29 ҳазору 704 тонна гази моеъ (ҶДММ «Тоҷирон» — 9012,4 тонна, Газпромнафт- Тоҷикистон -9954,0 тонна, ҶДММ «Зет — Газ» — 1838,0 тонна, ҶСП «Фароз» — 2173,8, соҳибкор Турсунов — 4550,0 тонна ва соҳибкор Ҳиҷибоев — 2175,8 тонна) ворид шудааст, ки назар ба соли гузашта 876 тонна зиёд мебошад.Аз рӯи иттилои манбаъ, дар нӯҳ моҳи соли равон  аз тарафи корхона ва соҳибкорони ватанӣ ба ҷумҳурӣ 333 ҳазору 567 тонна маҳсулоти нафтӣ, аз ҷумла 160 ҳазору 970 тонна бензин, 108 ҳазору 653 тонна сўзишвории дизелӣ,   45 ҳазору 154 тонна сўзишвории реактивӣ, 4    ҳазору  820 тонна мазут,  5 ҳазору 608 тонна битум, 8 ҳазору 350 тонна равғани молиданӣ ва дигар намуди маҳсулоти нафтӣ 12 тонна ворид шудааст.Бояд гуфт, ки миқдори маҳсулоти нафтӣ аз кишварҳои: Русия (278. 055 тонна (83,4%);  Қазоқистон (7. 363 тонна (2,3%); Туркманистон (40. 440 тонна (12,1%);  Қирғизистон, (1 813 тонна (0,5%); Ӯзбакистон (2. 725 тонна (0,9%); аз дигар давлатҳо (3. 171 тонна (0,8%) ворид гаштааст.