ҲХДТ ва «Яни Озарбойҷон» ҳамкориро тақвият мебахшанд
Душанбе, 26 декабр.(АМИТ «Ховар», Марзия Саидова).- Дар Боку байни Ҳизби халқии демократии Тоҷикистон /ҲХДТ/ ва «Яни Озарбойҷон»-и Озарбойҷон созишномаи ҳамкорӣ ба имзо расид, ки тибқи он ду ҳизб дар оянда ҳамкориҳои худро дар самтҳои мухталиф густариш медиҳанд. Ба санади мазкур Асрор Латифов, муовини раиси ҲХДТ ва Алӣ Ахмедов, муовини раиси ҳизби «Яни Озарбойҷон» имзо гузоштанд. Ҳайати Ҷумҳурии Тоҷикистон зимни сафари худ ба Озарбойҷон аз як қатор шаҳру ноҳияҳо ва ёдгориҳои таърихии Озарбойҷон дидан намуда, дар чорабиниҳои гуногун, хусусан конфронсе, ки бо ибтикори ҳизби «Яни Озарбойҷон» созмон дода шуда буд, иштирок ва маърӯза карданд. Асрор Латифов, муовини раиси ҲХДТ дар сӯҳбат ба хабарнигори АМИТ «Ховар» гуфт, ки ҲХДТ ҳамкориҳои худро бо ҳизбҳои кишварҳои гуногун, ба мисли Русия, Чин, Қазоқистон тақвият бахшидааст. Алҳол ҲХДТ бо «Единая Россия»-и Русия, «Нур Отан»-и Қазоқистон ва ҳизби коммунистии Чин ҳамкории густурда дорад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






