Ба хотири фазои сулҳу осоиш

Хоруғ, 26 декабр. (АМИТ «Ховар», Л.Додо ). – Бо ибтикори Раёсати Кумитаи давлатии амнияти миллии ҷумҳурӣ дар ВМКБ ва мусоидати Раёсати кор бо ҷавонон, варзиш ва сайёҳии вилоят дар мактаб – литсейи Оғохон бахшида ба иди касбии кормандони Кумитаи амният мусобиқаи вилоятӣ аз рӯи гӯштини тарзи дзюдо байни наврасон ва ҷавонон барои дарёфти Ҷоми собиқадорони Кумитаи давлатии амнияти миллии ҷумҳурӣ баргузор гардид.Чорабинии мазкурро муовини раиси вилоят Исрор Исроров ҳусни ифтитоҳ бахшида, роҷеъ ба кору фаъолияти Кумитаи амният ҳарф зада, иброз дошт, ки кумитаи мазкур барои дар фазои сулҳу осоиш умр ба сар бурдани аҳли ҷомеа талош меварзад ва қувваю нерӯи худро баҳри муҳофизати Ватан сарф мекунад. Дар фарҷоми ин чорабинӣ барномаи консертӣ аз ҷониби хонандагони литсейи мазкур намоиш дода шуд.