Байни Кумитаҳои олимпии Тоҷикистону Украина шартномаи олимпӣ ба имзо расид
Душанбе, 21 декабр. АМИТ «Ховар», Дилшодаи Хайруллоҳ). –Дар рафти сафари расмии Президенти Ҷумҳурии Тоҷикистон Эмомалӣ Раҳмон ба Украина дар қатори дигар созишномаҳои байнидавлатӣ миёни Кумитаи миллии олимпии Тоҷикистон ва Украина созишнома доир ба ҳамкорӣ ба имзо расид. Ҳуҷҷати мазкурро аз ҷониби Тоҷикистон раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон, ноиби аввали Президенти Кумитаи миллии олимпии Тоҷикистон Маликшо Неъматов ва аз ҷониби Украина Президенти Кумитаи олимпии Украина Сергей Бубко ба имзо расониданд. Дар доираи шартномаи мазкур ҷонибҳо ҳамкории мутақобилан судмандро ба роҳ мемонанд. Аз ҷумла, машқҳои муштарак ва табодули таҷрибаи мураббиёну доварон пешбинӣ гардидааст.Ҷониби Украина баҳри фароҳам сохтани имкониятҳои варзишӣ барои дастаи олимпии Ҷумҳурии Тоҷикистон изҳори омодагӣ намуд. Дар ҷараёни сафар Президенти Ҷумҳурии Тоҷикистон, Президенти Кумитаи миллии олимпии мамлакат мӯҳтарам Эмомалӣ Раҳмон аз варзишгоҳи бузурги олимпии шаҳри Киев,, ки 70 ҳазор ҷойи нишаст дорад, боздид ба амал овард. Ёдовар мешавем, ки дар доираи барномаи Рушди футболи Тоҷикистон бо ташаббуси Сарвари давлат сохтмони варзишгоҳ барои 50 ҳазор ҷойи нишаст дар шаҳри Душанбе ба нақша гирифта шудааст.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






