Бозӣ дар Маскав мегузарад ё дар Мадрид ?

Душанбе, 19 декабр. ( АМИТ «Ховар», Аловиддин Бӯриев).- Клубҳои футболи Русия дар рақобатҳои 1/8 ва 1/16 финалии Лигаи қахрамонҳо ва Лигаи Аврупо ҳарифони худро шинохтанд. «Зенит» бо дастаи «Бенфика»-и Португалия, ССКА-и бо «Реал»-и Мадрид, «Рубин» бо «Олимпиакос» -и Юнон ва «Локомотив» бо «Атлетико»-и Билбао қувва меозмоянд. Дар робита ба ин мавзӯъ дастаи ССКА- Маскав аз Федератсияи футболи Аврупо дархост кардааст, ки бозии аввали дастаҳоро на дар Маскав, балки дар Мадрид барпо намоянд. Ин дархост аз он хотир будааст, ки моҳи феврал иқлими Маскав ба бозӣ номувофиқ аст. Алҳол дар ин масъала УЕФА ҷавоб нагуфтааст.