Дар Тоҷикистон боркашонӣ тавассути нақлиёт ривоҷ меёбад

Душанбе, 21 декабр. (АМИТ «Ховар», Покиза Маҳмадбекова ). – Тайи 11 моҳи соли ҷорӣ дар Тоҷикистон тавассути ҳамаи намуди нақлиёт беш аз 56 миллиону 600 ҳазор тонна бор кашонида шудааст, ки назар ба ҳамин давраи соли гузашта 1,4 фоиз зиёд аст.Мувофиқи маълумоти Агентии омори назди Президенти ҶТ, тайи давраи гузашта тавассути нақлиёти автомобилӣ беш аз 48 миллиону 200 ҳазор тонна бор кашонида шуд. Афзоиши ҳаҷми боркашонӣ тавассути нақлиёти автомобилӣ нисбат ба ҳамин давраи соли 2010 – ум 4 фоиз афзуд.Тавассути нақлиёти роҳи оҳан беш аз 8 миллиону 400 ҳазор тонна бор кашонида шудааст, ки 88, 7 фоизи сатҳи давраи дахлдори соли гузаштаро ташкил дода ва 11,3 фоиз камтар аст. Тибқи хабари Агентии мазкур, ҳиссаи нақлиёти автомобилӣ дар ҳаҷми умумии боркашонӣ 85,1 фоизро ташкил медиҳад.