Дарвозабони эронӣ ба Қазон меравад

Душанбе, 22 декабр. ( АМИТ «Ховар», Аловиддин Бӯриев).- Дарвозабони дастаи «Персиполис» Алӣ Ризо Ҳақиқӣ моҳи январи соли оянда ба ҳайати дастаи «Рубин»-и Қазон ҳамроҳ хоҳад шуд. Роҳбарияти дастаи «Рубин» алҳол бо ин дарвозабони 23-сола ва клуби футболи Эрон дар ҳамин маврид гуфтушунидро идома медиҳад. Агар ин масъала роҳи ҳалли худро ёбад, он гоҳ Алӣ Ризо Ҳақиқӣ аввалин бозингари эронӣ дар Русия хоҳад шуд. «Рубин» аз 10 январ тайёрии худро ба идомаи мавсим дар Туркия оғоз мекунад.