Дастовардҳои Пажӯҳишгоҳи зироаткорӣ

Душанбе, 23 декабр.(АМИТ «Ховар», Лаззат Диловарзод).- Дар асоси тадқиқот муайян карда шуд, ки дар шароити заминҳои лалмии Тоҷикистон аз таъсири нитрогени биологӣ ҳосилнокии дони навъҳои нахӯду наск зиёд мегардад,- иброз доштанд дар Пажӯҳишгоҳи зироаткории ҷумҳурӣ ба мухбири АМИТ «Ховар». Хосилнокии дони навъҳои нахӯди «Сино» ва «Муқтадир» бо истифодаи микроорганизми нави Н-18 18,5 сентнер аз як гектар ва бе истифодаи он 13,5 сентнер аз як гектарро ташкил дод. Ҳосилнокии дони навъҳои наскӣ «Тоҷикӣ — 95» ва «Соҳибӣ» бо истифода аз микроорганизми нави 068 19,5 сентнер аз як гектар ва бе истифодаи он 15,2 сентнер аз як гектарро ташкил дод.
 
Олимони пажӯҳишгоҳ дар асоси дастовардҳои илмӣ дар соли ҷорӣ соҳиби 8 патент ва 32 «Шаҳодатномаи муаллифӣ оид ба ихтироот» гардиданд. Соли 2011 дар филиалу хоҷагиҳои зертобеи пажӯҳишгоҳ 651 тонна тухмии хушсифати зироати кишоварзӣ истеҳсол шудааст.