Душанбе 90-сола мешавад

Душанбе, 23 декабр.(АМИТ «Ховар», Марзия Саидова).-Ба ифтихори таҷлили 90-солагии шаҳри Душанбе ҳамчун пойтахти Ҷумҳурии Тоҷикистон шаҳрдории Душанбе аз моҳи марти соли 2012 то октябри соли 2014 дар пойтахт «30 моҳи ободонӣ ва ташаббусҳои созанда» -ро эълон менамояд. Масъалаи мазкур дар ҷараёни баргузории иҷлосияи ҳаштуми Маҷлиси вакилони халқи шаҳри Душанбе баррасӣ гардид.Ҳамзамон дар иҷлосия масоили фарҳангӣ, бахусус омодагии пойтахт ба таҷлили Наврӯзи байналмилалӣ дар соли 2012 ва истиқболи сазовори 20-солагии иҷлосияи 16-уми Шӯрои Олии Ҷумҳурии Тоҷикистон, ки дар сатҳи густурда таҷлил мегарданд, матраҳ шуданд.