Хадамоти гумруки Тоҷикистону Чин ҳамкориҳои худро вусъат медиҳанд
Душанбе, 15 декабр. (АМИТ «Ховар», Анварбек Сиддиқов).- Чанде қабл дар шаҳри Душанбе вохӯрии роҳбарияти Хадамоти гумруки назди Ҳукумати Ҷумҳурии Тоҷикистон ва Раёсати гумруки Урумчии Ҷумҳурии Мардумии Чин баргузор гардид. Вохӯрӣ таҳти раёсати ҷонишини сардори Хадамоти гумруки назди Ҳукумати Ҷумҳурии Тоҷикистон Нуриддин Маҳмадов гузашт. Ҳайати Чинро ҷонишини сардори Раёсати гумруки Урумчии Ҷумҳурии Мардумии Чин Кайнам Ималайтися роҳбарӣ мекард. Дар ҷараёни вохӯрӣ масъалаҳои густариши доираи назорати гумрукӣ, сари вақт ҳал намудани мушкилоти мавҷуда дар кори бақайдгирии гумрукӣ, реҷаи кории гузаргоҳҳо, инчунин дар бораи ҳамкорӣ дар ташкили мубориза бар зидди қонуншиканиҳои гумрукӣ ва мубодилаи иттилоотии фаврӣ мавриди баррасӣ қарор гирифт.Иштирокчиёни вохӯрӣ оид ба фаъолияти хадамотҳои гумруки якдигар маълумот дода, масъалаҳои рушди минбаъда, зарурати тақвияти қавигардонидани ҳамкориҳои ҷонибҳоро баррасӣ карданд. Тавре ки аз маркази матбуоти Хадамоти гумруки назди Ҳукумати Ҷумҳурии Тоҷикистон ба АМИТ «Ховар» иттилоъ доданд, ҷониби Тоҷикистон дар бораи дастовардҳои нави фаъолияти Хадамоти гумруки Ҷумҳурии Тоҷикистон, аз ҷумла такмили заминаи меъёрии ҳуқуқӣ, беҳбуди равандҳои расмиёту назорати гумрукӣ, рушди инфрасохторӣ ва татбиқи технологияи иттилоотӣ маълумот доданд.Дар фарҷоми вохӯрӣ миёни Хадамоти гумруки назди Ҳукумати Ҷумҳурии Тоҷикистон ва Раёсати гумруки Урумчии Ҷумҳурии Мардумии Чин протоколи ҳамкорӣ ба имзо расид.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






