Хадамоти муҳоҷират ярмаркаи ҷойҳои кории холиро баргузор менамояд

Душанбе, 8 декабр. (АМИТ «Ховар», Лутфия Эшонқулова).- Хадамоти муҳоҷирати назди Ҳукумати Ҷумҳурии Тоҷикистон ба диққати тамоми корҷўён ва муҳоҷирони меҳнатӣ мерасонад, ки рӯзи 16-уми декабри соли ҷорӣ дар бинои Маркази ҷавонони Кумитаи ҷавонон, варзиш ва сайёҳии назди Ҳукумати ҶТ ярмаркаи ҷойҳои кории холӣ баргузор мегардад. Тавре ба АМИТ «Ховар» аз Маркази матбуоти Хадамоти муҳоҷирати назди Ҳукумати Ҷумҳурии Тоҷикистон иттилоъ доданд, дар ярмарка субъектҳои хоҷагидор иштирок намуда,ҷойҳои кории холӣ ва вазифаҳои озодро ба корҷӯён пешниҳод менамоянд. Нафароне, ки тахассус надоранд ва хоҳиши омўхтани касбу ҳунарро доранд, ба курсҳои кӯтоҳмуддати касбомўзӣ ба омўзишгоҳҳои касбию техникӣ фиристода мешаванд.