Иҷлосияи гурӯҳи кории коршиносони Муоҳадаи Париж

Душанбе, 2 декабр. (АМИТ «Ховар», Лутфия Эшонқулова). – Дар пойтахти Ҳиндустон шаҳри Деҳлии Ҷадид иҷлосияи дуюми гурӯҳи кории Муоҳадаи Париж оид ба муборизаи зидди гардиши ғайриқонунии перекурсорҳо баргузор гардид, ки дар он коршиносони бархе кишварҳо, аз ҷумла коршиносони Тоҷикистон, ҳамчунин намояндагони созмонҳои байналмилалӣ, Комиссияи Аврупо ва созмони Аҳдномаи Амнияти Дастаҷамъӣ (СААД) иштирок доштанд.Мувофиқи хабари маркази матбуоти Агентии назорати маводи нашъаовари назди Президенти ҶТ, аз ҷониби Тоҷикистон дар иҷлосия сардори Раёсати Агентии мазкур дар вилояти Суғд Ҳалимҷон Маҳмудов иштирок намуд. Дар ҷараёни муҳокима як қатор пешниҳод перомуни таҳкими ҳамкории байни мақомоти босалоҳияти кишварҳои иштироккунандаи иҷлосия ироа шуд. Иштирокдорони иҷлосия натиҷаи фаъолияти онро ҷамъбаст намуда, иброз доштанд, муайян намудани муносибатҳои умумӣ ба проблемаи муборизаи зидди хавфи маводи нашъаовар саҳми боризе ба ҷилавгирии паҳншавии маводи нашъаовар дар миқёси ҷаҳон хоҳад буд.