«Истиқлол»- чемпиони Тоҷикистон

Душанбе, 19 декабр. ( АМИТ «Ховар», Аловиддин Бӯриев).- Дастаи «Истиқлол»-и Душанбе маротибаи дуввум пайдарпай соҳиби унвони қаҳрамони Тоҷикистон шуд. Дар даври мавқуфгузоштаи 24-уми мусобиқа футболбозони «Истиқлол» бо дастаи «Энергетик» вохӯрда, бо натиҷаи 2 бар 1 ғалаба карданд. Ду тӯбро дар ин бозӣ нишонзани беҳтарини даста Юсуф Рабиев ба самар расонид. Акнун барои ҷои ифтихории дуввум мубориза байни дастаҳои «Регар ТадАЗ» ва «Равшан» -и Кӯлоб то охири бозиҳои мавқуфгузошта идома меёбад. «Истиқлол» бозии навбатиашро рӯзи 21 декабр дар варзишгоҳи марказии пойтахт бо «Равшан» барпо мекунад.