Мулоқоти муовини вазири корҳои хориҷии ҶТ бо сафири Куриё

Душанбе, 13 декабр. (АМИТ «Ховар», Пайрав Назаров). – 12 декабр дар шаҳри Душанбе мулоқоти муовини вазири корҳои хориҷии ҶТ Низомиддин Зоҳидов бо Сафири Фавқулодда ва Мухтори Ҷумҳурии Куриё дар Тоҷикистон Ҷон Дэ — ван баргузор гардид. Тавре ба АМИТ «Ховар» дар Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ хабар доданд, ҷонибҳо дар ҷараёни сӯҳбат дурнамои рушди муносиботи дуҷониба дар чунин соҳаҳо, аз қабили ташаккули минбаъдаи заминаи шартномавию ҳуқуқӣ, густариши ҳамкорӣ дар доираи Агентии ҳамкории байналмилалии Куриё, ҳамчунин таҳкими ҳамкорӣ дар бахши фаъолияти мутақобилаи иқтисодӣ, фарҳангӣ ва илмию маърифатиро, мавриди муҳокима қарор доданд.Ҷонибҳо ҳамчунин аз рӯи масоили муҳими дорои аҳамияти минтақавӣ табодули афкор намуданд.