Низоми кредитии таълим-мушкилот ва дастовардҳо

Душанбе, 27 декабр.(АМИТ «Ховар», Марзия Саидова).-«Низоми қарзии таҳсил дар муассисаҳои таҳсилоти олии касбӣ»- таҳти чунин унвон дар идораи ҳафтаномаи «Омӯзгор» бо иштироки роҳбарони донишгоҳу донишкадаҳои ҷумҳурӣ сӯҳбати мизи мудаввар доир гардид. Сиддиқ Муборак, котиби матбуотии Вазорати маорифи ҷумҳурӣ ба АМИТ «Ховар» иттилоъ дод, ки иштирокчиёни чорабинӣ доир ба омилҳои гузариш ба низоми қарзии таълим, раванди татбиқи низоми қарзӣ дар донишгоҳу донишкадаҳои кишвар, мушкилоту дастовардҳои он, заминаи моддиву техникии муассисаҳои таълимӣ ва дурнамои рушди низоми мазкур дар кишвар табодули назар намуданд. Зикр шуд, ки низоми қарзии таълим дар муассисаҳои таҳсилоти олии касбӣ бомаром амалӣ мешавад ва натиҷаҳояш умедбахш аст.