Омӯзиши ройгони ҳунари дӯзандагӣ дар Суғд
Душанбе, 3 ноябр. (АМИТ «Ховар», Бекназари Абӯбакр). — Бо мақсади ҳалли муаммо ва мушкилоти аҳолӣ, бахусус занону духтарон бо дастгирии раиси вилояти Суғд Қоҳир Расулзода дар назди шӯъбаи кор бо занон ва оилаи мақомоти иҷроияи ҳокимияти давлатии вилоят Маркази иттилоотию машваратӣ таъсис дода шуд.Санаи 1 декабри соли 2011 дар назди маркази номбурда баҳри паст кардани сатҳи камбизоатӣ байни аҳолӣ, бо ҷои кори доимӣ таъмин намудани занону духтарони бекор ва аз оилаҳои камбизоат, барои модарони яккаву танҳо шӯъбаи кор бо занон ва оилаи мақомоти иҷроияи ҳокимияти давлатии вилоят аз ҳисоби маблағҳои Барномаи давлатӣ коргоҳи омӯзиши ҳунари дӯзандагиро ифтитоҳ намуд.Бояд тазаккур дод, ки баҳри таъсиси чунин коргоҳ ҳиссаи Кумитаи имдоди Имом Ҳумайнии Ҷумҳурии Исломии Эрон хеле назаррас буда, маҳз бо дастгирии ин кумита ба Маркази иттилоотию машваратии шӯъбаи кор бо занон ва оила 10 адад мошинаи дарздӯзӣ дастрас гардид. Дар ифтитоҳи сехи дӯзандагӣ аъзои фаъоли Шӯрои занони вилоят, раисони Шӯрои занони маҳаллаҳои шаҳри Хуҷанд, модарони соҳибтаҷриба, намояндагони иттиҳодияҳои ҷамъиятӣ, тарроҳони шинохта ва намояндагони васоити ахбори умум ширкат варзиданд.Аз маркази матбуоти раиси вилояти Суғд ба АМИТ «Ховар» иттилоъ доданд, ки ба курси омӯзишии ҳунари дӯзандагӣ 20 нафар зану духтар аз шаҳру ноҳияҳои Хуҷанд, Панҷакент, Зафаробод, Табошар, Расулов, Ғафуров ва донишҷӯёни тибқи квота таҳсилкунанда номнавис шуда, онҳо дар ду баст даҳ нафарӣ ба таври ройгон ҳунари дӯзандагиро меомӯзанд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






