Портали нав роҳандозӣ мегардад

Декабрь 29, 2011 13:46

Душанбе, 29 декабр.(АМИТ «Ховар», Марзия Саидова).-Дар моҳҳои май-июни соли 2012 дар Тоҷикистон Портали омӯзишию иттилоотӣ бо номи «Олами дониш» фаъол мегардад. Он барои доираи васеи донишҷӯён сохта шуда, ниёзи онҳоро бо вусъати мавзӯъ ва маълумоти дақиқу зарурӣ таъмин менамояд. Масъалаи мазкур дар ҷаласаи Шӯрои технологияи инноватсионӣ ва коммуникатсионии назди Вазорати маорифи ҷумҳурӣ баррасӣ шуд. Дар ҷаласа, ки дар он вазири маорифи ҷумҳурӣ Абдуҷаббор Раҳмонов, ректорон ва намояндагони мактабҳои олӣ, ташкилоту фондҳои ҷамъиятӣ, ширкатҳои саҳҳомии «Индиго Тоҷикистон» ва «Вавилон-М» иштирок доштанд, лоиҳаи портал хуш пазируфта шуд. Ширкаткунандагони ҷаласа ҳамчунин оид ба технологияҳои инноватсионӣ, сохтани сомонаҳо ва таҳияи дискҳои гуногуни омӯзишӣ, ташкили шабакаи мутамаркази китобхонаҳои электронӣ ва якчанд лоиҳаи инноватсионӣ табодули назар намуданд. Ҳамзамон масъалаи гузаронидани чорабиниҳои барои ҳавасмандгардонии ҷавонон ба технологияи инноватсионӣ ба мисли «Сомонаи наврӯзӣ», маводи беҳтарини таълимии электронӣ, истифодаи он дар раванди таълим, таҳияи барномаи беҳтарини компютерӣ муҳокима гардиданд. Назар ба иттилои Сиддиқ Муборак, котиби матбуоти Вазорати маорифи ҷумҳурӣ ҷаласаи навбатии Шӯрои технологияи инноватсионӣ ва коммуникатсионии назди Вазорати маорифи ҷумҳурӣ моҳи марти соли 2012 дар Донишгоҳи технологӣ гузаронида мешавад.

Декабрь 29, 2011 13:46

Хабарҳои дигари ин бахш

Ҳаким Фирдавсӣ камоли бузургвории устод Рӯдакиро дар забону адаби мо дар «Шоҳнома» мавриди ситоиш қарор додааст
Оид ба пешниҳоди «Стратегияи миллии идоракунии партовҳо то соли 2040» ҷаласаи корӣ доир гардид
Имрӯз дар шаҳри Душанбе ҳаво то 32 дараҷа гарм мешавад
СОЛҲОИ РУШДИ ИҚТИСОДИ РАҚАМӢ ВА ИННОВАТСИЯ. Татбиқи инноватсия дар фаъолияти китобдорӣ муҳим аст
Дар Бадахшон даври вилоятии Озмуни ҷумҳуриявии «Илм- фурӯғи маърифат» ҷамъбаст гардид
Имрӯз дар доманакӯҳҳои Тоҷикистон ҳаво то 30 дараҷа гарм мешавад
ТАҚВИМИ АМИТ «ХОВАР»: имрӯз 20 сентябр, шанбе, 263-юмин рӯзи соли 2025 аст
Ҳамкории мақомоти ноҳияи Шаҳринав ва Сафорати Ҷопон дар самти рушди соҳаи маориф тақвият меёбад
Имрӯз дар шаҳри Душанбе ҳаво то 29 дараҷа гарм мешавад
Интернети хонагӣ бештар дастрас гардид
Имрӯз дар баъзе ноҳияҳои Тоҷикистон борони кӯтоҳмуддат меборад
ИМА барои дастгирии аҳолии Тоҷикистон 75 тонна ғизои ғанигардонида кумак расонид