Судяи Суди Олӣ бозхонд гардид

Душанбе, 15 декабр.(АМИТ «Ховар», Марзия Саидова).-Бо пешниҳоди Президенти Ҷумҳурии Тоҷикистон ва қарори иҷлосияи ҳафтуми Маҷлиси миллии Маҷлиси Олии Ҷумҳурии Тоҷикистон даъвати чорум, судяи Суди Олии Ҷумҳурии Тоҷикистон Деҳқонбой Ғафуров бозхонд шуд. Ҷумъахон Давлатов, намояндаи комилҳуқуқи Президенти ҷумҳурӣ дар Маҷлиси Олӣ зимни ташреҳи масъалаи зикршуда гуфт, ки сабаби бозхонд гардидани судяи Суди Олии Ҷумҳурии Тоҷикистон Деҳқонбой Ғафуров ба хуб набудани вазъи саломатиаш рабт дорад. Дар иҷлосияи ҳафтуми Маҷлиси миллӣ ҳамчунин тибқи қарори марбута сохтор, рӯйхати вазифаҳо, шумораи кормандони Дастгоҳи Маҷлиси миллии Маҷлиси Олии Ҷумҳурии Тоҷикистон ва сметаи хароҷоти Маҷлиси миллии Маҷлиси Олии Ҷумҳурии Тоҷикистон барои соли 2012 тасдиқ гардид.