Таъмини беморхонаҳои шаҳри Роғун бо ҳамшираҳои тиббӣ

Роғун, 22 декабр. (АМИТ «Ховар», Зебо Давлатова). – Бо дастгирии мақомоти маҳаллии шаҳри Роғун таъмини мутахассисони тиббӣ дар ҳудуди шаҳр хуб ба роҳ монда шудааст. Тавре ки роҳбари гурӯҳи мақсадноки омӯзишгоҳи тиббии шаҳр Сафар Хоҷаев ба хабарнигори АМИТ «Ховар» иттилоъ дод, аз соли 2007 инҷониб филиали омӯзишгоҳи тиббии шаҳри Ваҳдат дар шаҳри Роғун бо дастгири раиси шаҳр Исматулло Зайдов ва директори омӯзишгоҳи тиббии шаҳри Ваҳдат Маҳмад Муродов фаъолият менамояд.Сафар Хоҷаев афзуд, ки дар айни замон 67 нафар писару духтар дар гурӯҳи мақсадноки омӯзишгоҳи тиббӣ таҳсил намуда истодаанд. Онҳо дар шароити хуб таҳсил намуда, дар оянда дар марказҳои саломатии дурдасти ҳудуди шаҳр фаъолият менамоянд.