Таъмини ронандагон бо ҳуҷҷат

Кӯлоб, 19 декабр. (АМИТ «Ховар», С.Холов ). – Бахши ба қайдгирӣ ва имтиҳоноти шӯъбаи минтақавии БДА дар шаҳри Кӯлоб дар 11 моҳи соли ҷорӣ 22 ҳазору 124 имтиҳони амалӣ ва назарӣ гузаронида, 2 ҳазору 715 адад рақами давлатии воситаҳои нақлиёти шахсӣ, 2 ҳазору 773 адад шаҳодатномаи техникӣ, 8 ҳазору 768 адад шаҳодатномаи ронандагиро ба ронандагони воситаҳои нақлиёт додааст,- гуфт сардори шӯъба, лейтенанти калони милиса Кароматулло Боқиев. То имрӯз кормандони шӯъба 3 ҳазору 869 воситаи нақлиётро аз муоинаи техникӣ гузаронида, ба онҳо иҷозати ҳаракат додаанд ва дар 11 моҳи соли ҷорӣ ба маблағи 946190,25 сомонӣ ба мизоҷон хизмат расонида, аз ин маблағ 126904,11 сомонӣ ба буҷаи давлат ва 819286, 14 сомониро ба хазинаи БДА – и ҶТ ворид намудаанд.