Тоҷикистон омодаи ҳамкорӣ бо шарикони байналхалқист

Душанбе, 6 декабр. (АМИТ «Ховар», Пайрав Назаров ). –5 декабри соли 2011 Вазири корҳои хориҷии Ҷумҳурии Тоҷикистон Ҳамрохон Зарифӣ бо роҳбарони ҳайатҳое, ки дар кори Конфронси байналмилалӣ оид ба Афғонистон иштирок доштанд, боздидҳо намуд.Тавре ки аз раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» иттилоъ доданд, Ҳ. Зарифӣ бо Вазири корҳои хориҷии Қазоқистон Ержан Қозихонов, Ноиби президенти Бонки ҷаҳонӣ оид ба Осиёи Ҷанубӣ Изабел Герреро, Президенти Бонки исломии рушд Ал-Маданӣ ва бо Аълоҳазрат Шоҳзода Карим Оғохони IV мулоқот намуд.Зимни мулоқот масъалаҳои ҳамкориҳои дуҷониба ва бисёрҷонибаи Тоҷикистон дар самтҳои гуногун ва татбиқи лоиҳаҳои гидроэнергетикӣ дар ҷумҳурӣ баррасӣ шуданд.Ҳ. Зарифӣ бахусус таваҷҷӯҳи ҳамсӯҳбатонашро ба вазъияти таъмини қувваи барқ дар кишвар ва мушкилиҳои ҷойдошта дар фасли зимистон ҷалб кард.Манбаъ ҳамчунин иттилоъ дод, ки Вазири корҳои хориҷии ҶТ бори дигар ба мусоҳибони худ итминон дод, ки Тоҷикистон омода аст, то ҳамкориро бо сохторҳои гуногун ва шарикони байналхалқӣ идома диҳад.