Вохӯрии ҳарбии Тоҷикистону Покистон

Душанбе, 21 декабр. (АМИТ «Ховар», Анварбек Сиддиқов).- 21 декабр раиси Кумитаи сардорони муттаҳидаи Қувваҳои мусаллаҳи Ҷумҳурии Исломии Покистон генерал Холид Шамим Вайн бо сафари расмӣ ба Ҷумҳурии Тоҷикистон ташриф меорад . Тавре ки аз маркази матбуоти Вазорати мудофиаи ҷумҳурӣ ба АМИТ «Ховар» иттилоъ доданд, дар давоми сафари расмии худ номбурда ба вазири мудофиаи Ҷумҳурии Тоҷикистон Шералӣ Хайруллоев ва бо дигар ашхоси расмии Ҳукумати Ҷумҳурии Тоҷикистон мулоқот хоҳад кард. Дар назар дошта шудааст, ки зимни сафар доираи васеъи ҳамкориҳои ҳарбию техникӣ, омодасозии кадрӣ ва дигар масоили доир ба густариши минбаъдаи ҳамкориҳои низомӣ мавриди барррасӣ қарор хоҳанд гирифт. Ҳамзамон тибқи нақша дар доираи сафари расмӣ раиси Кумитаи сардорони муттаҳидаи Покистон аз қисмҳо, ҷузъу том ва пойгоҳҳои ҳарбии Вазорати мудофиаи Ҷумҳурии Тоҷикистон дидан намуда, бо ҳайати афсарону сарбозон вомехӯрад.Лозим ба ёдоварист, ки ҳамкориҳои ҳарбии Ҷумҳурии Тоҷикистон бо Ҷумҳурии Исломии Покистон аз соли 2009 маншаъ гирифта, сол то сол густариш меёбад.