Ярмаркаи ҷойҳои кории холӣ ва вазифаҳои озод

Душанбе, 9 декабр. (АМИТ «Ховар», Дилшодаи Хайруллоҳ). – Имрӯз дар омӯзишгоҳи касбию техникии № 63 дар доираи нақшаи чорабиниҳои Вазорати меҳнат ва ҳифзи иҷтимоии аҳолии Ҷумҳурии Тоҷикистон бо ташаббуси раёсати Агентии давлатии ҳифзи иҷтимоӣ, шуғли аҳолӣ ва муҳоҷират дар ноҳияи Шоҳмансур ярмаркаи умумишаҳрии ҷойҳои кории холӣ ва вазифаҳои озод баргузор гардид. Дар он 38 корхонаю муассисаи шаҳри Душанбе иштирок ва ба корҷӯён 2070 ҷойи кории холиро пешниҳод намуданд.Тавассути ин ярмарка ба 71 нафар корҷӯй барои бо кор таъмин шудан аз ҷониби мақомоти Агентӣ роҳхат дода шуд.Дар ин бора ба мухбири АМИТ “Ховар” аз шӯъбаи робитаҳои байналмилалӣ ва ҷамъиятии Агентии давлатии ҳифзи иҷтимоӣ, шуғли аҳолӣ ва муҳоҷирати Вазорати меҳнат ва ҳифзи иҷтимоии аҳолии Ҷумҳурии Тоҷикистон иттилоъ доданд.