Заминҳои наздиҳавлигӣ ба муҳоҷирони дохилӣ

Душанбе, 16 декабр. (АМИТ «Ховар», Бекназари Абӯбакр). — Тибқи қарори Ҳукумати Ҷумҳурии Тоҷикистон «Дар бораи муҳоҷирати дохилии аҳолии қобили меҳнат аз ноҳияҳои камзамин ва сераҳолии кӯҳистон ба водиҳои дорои заминҳои бекорхобидаи ҷумҳурӣ дар солҳои 2010-2012» дар соли 2011 кӯчонидани 509 оилаи муҳоҷири дохилӣ (ихтиёрӣ) дар вилояти Суғд ба нақша гирифта шуда, дар ин самт корҳои муайян ба анҷом расонида шуд.Аз ҷумла, бо мақсади иҷрои қарорҳо дар шаҳри Исфара ба 200 оилаи муҳоҷири дохилӣ (ихтиёрӣ), аз ҷумла аз мавзеъҳои нав ба 90 оилаи ҷамоати деҳоти Чоркӯҳ ва 10 оилаи ҷамоати деҳоти Сурх аз мавзеи Айнии деҳаи Шӯроб, ба 50 оилаи ҷамоати деҳоти Чилгазӣ аз мавзеи Моҳпарӣ ва ба 50 оила аз ҳудуди шаҳр аз қасабаи 14 мавзеи Моҳпарӣ қитъаи замини наздиҳавлигй ҷудо гардид.