Ғолибони озмуни рамзи 20-солагии иҷлосияи таърихӣ муайян шуданд

Душанбе, 4 январ. (АМИТ «Ховар», Бекназари Абӯбакр). — Ғолибони озмуни вилоятӣ барои рамзи 20-солагии иҷлосияи 16-уми Шӯрои Олии Ҷумҳурии Тоҷикистон (даъвати дувоздаҳум) муайян гардиданд. Аз хадамоти матбуоти раиси вилояти Суғд ба АМИТ «Ховар» иттилоъ доданд, ки дар озмуни вилоятӣ барои офаридани рамзи 20-солагии иҷлосияи 16- уми Шӯрои Олии Ҷумҳурии Тоҷикистон 3 лоиҳаи эҷодкорон дар асоси қарори комиссия баҳо дода шуда, ҷойҳои намоёнро гирифтанд. Аз ҷумла, Абдуҳалим Тӯхтаев –дизайнери оҷонсии рекламавии «Шер» сазовори ҷои якум ва ҷоизаи нақдии 2000 ҳазор сомонӣ, Сӯҳроб Хоҷаев ва Ҷовид Ҷамолов –кормандони «Кохи матбуот» сазовори ҷои дуюм ва ҷоизаи нақдии ҳазор сомонӣ ва Абдуазиз Абдурахмонов –донишҷӯйи Коллеҷи санъати ба номи Содирхон Ҳофиз созовори ҷои сеюм ва ҷоизаи нақдии 500 сомонӣ гардиданд