Ҳифзи муҳити зист муносибати дилсӯзона мехоҳад

Хоруғ, 17 январ. (АМИТ «Ховар», Л.Додо ). – Соли гузашта дар марказ ва деҳоти ноҳияи Мурғоб иншоотҳои муҳими дорои аҳамияти иқтисодию иҷтимоӣ мавриди баҳрабардорӣ қарор гирифтанд. Аз ҷумла, дар маркази ноҳия мактаби нави замонавӣ барои 480 хонанда, бинои нави мактаби деҳаи Рангкӯл ба истифода дода шуданд.Дар давоми сол корҳои сохтмонӣ дар ноҳияҳои вилоят ба маблағи беш аз 2 миллион сомонӣ анҷом дода шуданд. Соҳаи чорводорӣ ҳам рушд ёфта, саршумори қӯтос дар муқоиса бо соли 2000 – ум се баробар афзоиш ёфт. Бо назардошти ин беш аз 100 сар қӯтос ба ноҳияҳои Балҷувону Айнӣ фурӯхта шуд.