Фурудгоҳи байналмилалии “Хуҷанд” хизматрасониро беҳ мегардонад

Душанбе, 27 январ. (АМИТ «Ховар», Лутфия Эшонқулова).- Дар фурудгоҳи байналмилалии Хуҷанд парвозҳо аз ҷониби 12 ширкати ҳавопаймоӣ, аз ҷумла 2 ширкати миллӣ ва 10 ширкати интиқолдиҳандаи хориҷӣ анҷом дода мешаванд.Тавре ки ба АМИТ «Ховар» аз Хадамоти матбуотии раиси вилояти Суғд хабар доданд, дар соли сипаришуда аз ҳаҷми умумии ҳамлу нақли мусофирон аз тариқи фурудгоҳи байналмиллалии “Хуҷанд” 50,4%-и интиқоли мусофирон ба дӯши ширкатҳои ҳавопймоии ватанӣ рост омад. Бояд гуфт, ки дар соли 2011 теъдоди мусофирон 591,7 ҳазор нафарро ташкил додааст, ки нисбат ба соли сипаришуда 105 ҳазор нафар мусофир мебошад.Ҳамчунин бо мақсади навсозӣ ва бо техника ҷиҳозонидани объектҳои фурудгоҳ зиёда аз 6 миллиону 824,5 ҳазор сомонӣ маблағ масраф гардид. Аз ҷумла, барои сохтани аэровокзали марказӣ ва омода намудани он барои ташкили самтҳои байналмилалӣ, таъмири асосии бинои аэровокзал ва мумфаршкунии майдони парвоз маблағи зиёд сарф шуд.