Равобити байни Тоҷикистону Томск рушд меёбад
Душанбе, 9 январ. (АМИТ «Ховар», Покиза Маҳмадбекова). – Охири ҳафтаи гузашта дар шаҳри Душанбе мулоқоти муовини раиси Палатаи савдо ва саноати ҶТ Асаналӣ Карамалиев бо раиси Ҷамъияти тоҷикони шаҳри Томски Русия, муовини декани факултаи иқтисоди Донишгоҳи радиоэлектроникаи шаҳри Томск Сайфулло Исматуллоев баргузор гардид. Тавре аз маркази матбуоти Палатаи савдо ва саноати ҶТ ба АМИТ «Ховар» хабар доданд, меҳмон дар ҷараёни мулоқот аз фаъолияти ҷамоаи тоҷикони шаҳр, ки беш аз 4000 нафарро ташкил медиҳад, нақл кард. Мавсуф ҳамчунин дар мавриди муносибатҳо бо маъмурият ва сохторҳои давлатии шаҳри Томск сухан ронд. Асаналӣ Карамалиев дар навбати худ зикр намуд, ки Палатаи савдо ва саноати ҶТ бо бисёр палатаҳои Русия, аз ҷумла бо Палатаи савдо ва саноати шаҳри Томск ҳамкорӣ дорад. Мувофиқи суханони манбаъ, сафари ҳайати тоҷирони Томск ба рушди ҳамкории мутақобилан муфид бо соҳибкорони Тоҷикистон мусоидат хоҳад намуд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
Дар Русия аз дақиқаҳои аввал дар алоқа бимонед!
