Сӯхтор коҳиш ёфт

Хоруғ, 13 январ. (АМИТ «Ховар», Л.Додо ). – Шӯъбаи Хадамоти оташнишонии ноҳияи Дарвоз қонуну фармонҳо ва дастуру супоришҳои Ҳукумати Ҷумҳурии Тоҷикистон Вазорати корҳои дохилии ҷумҳурӣ, Хадамоти давлатии оташнишонӣ, қарорҳои ҳукумати вилоят ва шӯъбаи хадамоти оташнишонии ВМКБ – ро сармашқи кори худ қарор дода, барои баланд бардоштани вазъи бехатарӣ аз сӯхтори иншоотҳои хоҷагии халқ ва нуқоти аҳолинишин корҳои ташвиқоту тарғиботиро анҷом медиҳанд. Тавре роҳбари дидбонгоҳи алоҳидаи ҳарбикунонидаи хадамоти давлатии оташнишонии ноҳия Ризо Имомдодов иттилоъ дод, кормандони шӯъбаи мазкур байни аҳолӣ корҳои тавзеҳотиро мунтазам ривоҷ дода, инчунин таҳти унвони «Эҳтиёт – нисфи ҳаёт» ҷамъомаду вохӯриҳо ташкил медиҳанд, ки ҳадафи аслии онҳо муносибати эҳтиёткорона ба асбобу анҷоми барқӣ, риояи қоидаҳои зидди сӯхтор ва пешгирӣ кардани он аст. Ҳамаи ин имкон дод, ки сӯхтор дар ноҳия нисбат ба солҳои қаблӣ хеле кам шавад.