Тағйироти кадрӣ дар сохторҳои Шўрои амният ва Вазорати корҳои дохилии ҶТ

Душанбе, 28 январ. (АМИТ «Ховар»).- Президенти кишвар Эмомалӣ Раҳмон як гурўҳ кадрҳои ба вазифаҳои ҳайати роҳбарӣ дар Шўрои амният, Вазорати корҳои дохилӣ ва дигар сохторҳо пешниҳодшударо барои суҳбат ба ҳузур пазируфт.
 
Баъди суҳбат бо Сарвари давлат чор нафар ба вазифаҳои машваратчии калон – сардорони шуъбаҳои дастгоҳи Шўрои амнияти кишвар доир ба амнияти ҷамъиятӣ, иқтисодӣ, мудофиавӣ ва иттилоотӣ, пешгўӣ ва робитаҳои байналмилалӣ, се кас ба вазифаҳои сардорони раёсатҳои кофтукови ҷиноӣ, тафтишот ва муҳофизати тартиботи ҷамъиятии Вазорати корҳои дохилӣ таъин гардиданд.Ҳамчунин сардорони шуъбаҳои корҳои дохилии ноҳияҳои Фархор, Қумсангир, Вахш, Балҷувон, Ҳисор ва Шаҳринав иваз карда шуданд.Муҳаббат Иброҳимов Сардори Маркази Тоҷикистон оид ба минаҳо таъин карда шуд. Зимни суҳбат Президенти кишвар Эмомалӣ Раҳмон аз ҳодисаҳои ногувори даст задании кормандони мақомоти ҳифзи ҳуқуқ ба амалҳои ҷиноию ѓайриқонунӣ бо таассуф ёдовар шуда, онҳоро ба иҷрои содиқонаю софдилонаи вазифаҳои пурмасъулияти дар наздашон гузошташуда, муборизаи беамон бо ҷинояткорӣ, таъмини амнияту субот дар ҷомеа ва тарбияи дурусти кадрҳои ҷавони соҳаҳои худ ҳидоят намуд.Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.