Таваллудхона бо таҷҳизоти нав таъмин шуд

Хоруғ, 13 январ. (АМИТ «Ховар», Л.Додо ). – Шӯъбаи таваллуди беморхонаи марказии вилоят баъд аз таъмири ҳуҷраҳои беморон ва зоишгоҳ дубора ба фаъолият шурӯъ кард. Ба гуфтаи мутахассисони соҳаи тандурустӣ, шӯъбаи таваллуд дар замони шӯравӣ сохта шуда ва ба талаботи замон ҷавобгӯ нест. Соли 2011 Президенти кишвар ҳангоми ташриф ба вилоят хишти нахустини таваллудхонаи нави вилоятиро гузошта буд. Шӯъбаи таваллуд дорои 40 кати хоб ва ҳудуди 18 ҳуҷра барои муолиҷаи беморон ва ду зоишгоҳ буда, чанде пеш аз тарафи Вазорати тандурустии Ҷумҳурии Тоҷикистон бо таҷҳизот ва васоили нави ташхисӣ таъмин карда шуд.