Тоҷикистон бо Ӯрдун ва Буркина Фасо муносибатҳои дипломатӣ барқарор намуд

Душанбе, 16 январ. (АМИТ «Ховар», Пайрав Назаров). – 13 январ дар шаҳри Ню – Йорк маросими имзои баённомаи муштарак дар бораи барқарор намудани муносибатҳои дипломатии байни Ҷумҳурии Тоҷикистон ва Шоҳигарии Ҳошимитии Ӯрдун баргузор гардид. Баённомаи муштаракро Намояндаи доимии Ҷумҳурии Тоҷикистон дар СММ Сироҷиддин Аслов ва Намояндаи доимии Шоҳигарии Ҳошимитии Ӯрдун дар СММ Шоҳзода Зайд Раъд Зайд ал – Ҳусейн имзо намуданд. Баъди маросими имзои баённома сафирони Тоҷикистон ва Ӯрдун аз рӯи масъалаҳои барқарор намудан ва рушди минбаъдаи муносибатҳои дӯстӣ ва ҳамкории мутақобилан муфиди байни ҳар ду кишвар, ҳамчунин перомуни масъалаҳои мухталифи рӯзномаи СММ табодули афкор намуданд.Ҳамчунин 12 январи соли 2012 дар Ню – Йорк байнномаи муштарак дар бораи барқарор намудани муносибатҳои дипломатии Ҷумҳурии Тоҷикистон ва Буркина Фасо имзо гардид. Баённомаи муштаракро Намояндаи доимии Ҷумҳурии Тоҷикистон дар СММ Сироҷиддин Аслов ва Намояндаи доимии Буркина Фасо дар СММ Дер Когда имзо намуданд.Сафирони Тоҷикистон ва Буркина Фасо аз рӯи масоили барқарор намудан ва рушди минбаъдаи муносибатҳои дӯстӣ ва ҳамкории мутақобилан муфиди байни ҳар ду кишвар, ҳамчунин перомуни масоили мухталифи рӯзномаи СММ табодули афкор намуданд.Дар ин бора аз Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» хабар доданд.