Беҳтар намудани фазои сармоягузорӣ дар вилояти Суғд
Душанбе, 17 феврал. (АМИТ «Ховар», Покиза Маҳмадбекова). — Барои беҳтар намудани фазои сармоягузорӣ, баррасии таклифу пешниҳодҳо доир ба таҳрири нави «Кодекси андози Ҷумҳурии Тоҷикистон» дар Раёсати андози вилояти Суғд бо иштироки соҳибкорон ва ассотсиатсияҳо машварат доир гардид. Ба мухбири АМИТ «Ховар» аз Хадамоти матбуоти раиси вилояти Суғд иттилоъ доданд, ки иштирокчиён фикру андешаҳои худро баҳри такмили таҳрири нави Кодекси андоз иброз намуданд. Сардори шӯъбаи назорати Раёсати андоз дар вилояти Суғд А. Маликов гуфт, ки Кодекси мазкур дар доираи талаботи сиёсати давлатӣ, яъне дахолат накардани кормандони андоз ба фаъолияти андозсупоранда равона шудааст. Дар интиҳои кори машварат зикр шуд, ки муносибати мақомоти вилоят бо андозсупоранда бояд шарикона бошад. Охири моҳи марти соли равон сайти Шӯрои машваратии назди Раиси вилоят доир ба беҳтар намудани фазои сармоягузорӣ кушода мешавад. Минбаъд дар назди Раёсати андози вилояти Суғд телефони боварӣ 6-10-52, 92-774-67-12 амал хоҳад кард, ки шаҳрвандон аз амалҳои коррупсионии кормандони мақомоти андоз метавонанд раёсатро огоҳ созанд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






