Эҳтиёҷмандон соҳиби манзили зист гардиданд
Кӯлоб, 11 феврал. (АМИТ «Ховар», С.Холов). – Дар ноҳияи Ҳамадонии вилояти Хатлон тақсими замини манзилӣ идома дорад ва то ин муддат 2580 нафар эҳтиёҷманд дар ҳудуди шаҳрак ва ҷамоатҳои деҳот соҳиби замин гардиданд. Ба қавли Санифамо Элмуродова, раиси комиссияи манзилии ноҳия аз тарафи мақомоти иҷроияи ҳокимияти давлатии ноҳия 258 гектар замин ҷудо гардид, ки ба ҳар нафари эҳтиёҷманд 0,7 сотихӣ рост меояд. Нафарони замингир занҳои танҳо, кормандони фарҳанг, маориф ва оилаҳои серфарзанд мебошанд. Аъзои комиссия дар ҳайати 11 нафар тақсими заминро ба таври қуръапартоӣ роҳандозӣ менамоянд.