Муҳокимаи масъалаҳои танзими муҳоҷирати меҳнатӣ

Душанбе, 6 феврал. (АМИТ «Ховар», Лутфия Эшонқулова ). – Сардори Хадамоти муҳоҷирати назди Ҳукумати ҶТ Сафиалло Девонаев ва вазири маорифи ҶТ Нуриддин Саидов масъалаҳои танзим ва вазъи муҳоҷирати меҳнатии шаҳрвандони ҶТ, такмили ихтисос ва таълими забони русӣ дар омӯзишгоҳҳои касбҳои техникии кишварро мавриди муҳокима қарор доданд. Дар ҷараёни мулоқот роҳбари хадамоти муҳоҷират зикр намуд, ки дар ҷумҳурӣ хона — интернатҳое фаъолият доранд, ки дар онҳо кӯдакони бепарастор тарбия меёбанд. Барои касбу ҳунар пайдо кардани онҳо бояд шароити мусоид фароҳам оварда шавад.Вазири маориф дар навбати худ изҳор дошт, ки бозори меҳнати Федератсияи Русия, Украина, Қазоқистон, Эстония, Латвия ва Литва ба коргарони лаёқатманд зарурат дорад, бинобар ин бояд кори омӯзишгоҳои касбҳои техникӣ ба талаботи бозори меҳнат мувофиқат кунад.