Мусовии «Барселона» дар вохӯрии аввали нимниҳоӣ

Душанбе, 2 феврал. ( АМИТ «Ховар», Аловиддин Бӯриев).- Дар вохӯрии аввали нимниҳоӣ барои ҷоми Испания клуби «Барселона» бо «Валенсия» вохӯрда, бозиро бо натиҷаи 1 бар 1 мусовӣ анҷом дод. Дар дақиқаи 27-уми бозӣ Ҷонас аз дастаи «Валенсия» ҳисобро боз кард. Карлес Пуйол баъди 8 дақиқа голи ҷавобиро ба дарвоза зада, ҳисобро баробар кард ва ин натиҷа то охири вохӯрӣ тағир наёфт. Дар вохӯрии дувуми нимниҳоӣ «Атлетик» дар сафар бар дастаи «Мирандес» бо натиҷаи 2 бар 1 пирӯзӣ ба даст овард. Бозингари ҷадид дар ССКА –и Маскав
Душанбе, 2 феврал. ( АМИТ «Ховар», Аловиддин Бӯриев).- Клуби футболи ССКА-и Маскав бо нимҳимоятгари дастаи «Канин Сити»-и Корея Ким Ин Со шартномаашро ба имзо расонид. Ин бозингари 22- сола мувофиқи шартнома дар ҳайати ССКА як сол ҳунарнамоӣ карда, метавонад боз ду мавсими дигар онро тамдид кунад. Роҳбарияти клуб барои ширкат дар бозиҳои Лигаи чемпионҳои Аврупо Ким Ин Соро номнавис кардаанд ва ӯ таҳти рақами 29 дар ҳайати ССКА ҳунарнамоӣ хоҳад кард. Бародарон Кличкоҳо ба тамрин шурӯъ карданд
 
  Душанбе, 2 феврал. ( АМИТ «Ховар», Аловиддин Бӯриев).- Боксчиёни машҳури Украина дар вазни вазнин- бародарон Виталий ва Владимир Кличко дар тамрини нахустини худ, ки дар Австрия мегузарад, муқобили ҳам ба майдон баромаданд. Вохӯрӣ бе зарбазанӣ ба якдигар гузашт. Соли равон бародарон барои ҳимояи унвони худ дар корзори бокс бо ҳарифонашон мусобиқа хоҳанд кард.