Стратегияи миллии рушд ва стратегияҳои миёнамӯҳлати паст кардани сатҳи камбизоатӣ

Душанбе, 2 феврал. (АМИТ «Ховар», Покиза Маҳмадбекова). — Масъалаи татбиқи Стратегияи миллии рушд ва стратегияҳои миёнамӯҳлати паст кардани сатҳи камбизоатӣ дар рафти мулоқоти вазири рушди иқтисод ва савдои ҷумҳурӣ Шариф Раҳимзода бо роҳбари Шӯрои ҳамоҳангсозии шарикони рушд Ҷоҷи Токеши мавриди баррасӣ қарор гирифт. Ба мухбири АМИТ «Ховар» аз Хадамоти матбуотии Вазорати рушди иқтисод ва савдо иттилоъ доданд, ки дар ҷараёни мулоқот ҷонибҳо инчунин дар мавриди доир намудани Форуми рушд ва Форуми сармоягузорӣ, инчунин қадамҳои минбаъда дар ин самт сухан гуфтанд.