Тасдиқи 18 ҳолати азобу шиканҷа дар рафти тафтишот

Душанбе, 21 феврал. (АМИТ «Ховар», Лаззат Диловарзод).- Таҳлилҳо нишон доданд, ки вазъи риояи ҳуқуқу озодиҳои инсон дар раванди таҳкиқу тафтиши парвандаҳои ҷиноятӣ рӯ ба беҳбудӣ дорад,-иброз дошт муовини аввали прокурори генералӣ, мушовири адлияи дараҷаи дуюм Абдуқодир Муҳаммадиев ба мухбири АМИТ «Ховар».Ба иттилои А. Муҳаммадиев ин дар ҳолест, ки соли 2010 ба мақомоти прокуратура 48 арзу шикоят доир ба истифодаи зӯроварӣ ва азобу шиканҷа ҳангоми таҳқиқу тафтиши парвандаҳо нисбат ба шаҳрвандон раво дониста шудааст, ки дар 13 ҳолат он тасдиқи худро ёфта, нисбат ба қонуншиканиҳо парвандаи ҷиноятӣ кушода шуда баъди қабули қарори зарурӣ барои баррасӣ ба суд ирсол гардиданд. Дар соли 2011 низ 26 арзу шикоят ба прокуратура дохил гардид, ки дар 5 ҳолат истифодаи зӯроварӣ ҳангоми таҳқиқ ва тафтиши парвандаҳо исботи худро ёфт ва шахсони гунаҳкор ба ҳабс маҳкум шуданд. Ва як ҳолати зӯроварӣ мавриди тафтиш қарор дорад.