Тоҷикистон — Куриёи Шимолӣ: дидори охирин дар вохӯриҳои интихобии Ҷоми ҷаҳон 2014
Душанбе, 27 феврал. ( АМИТ «Ховар», Аловиддин Бӯриев).- Дирӯз тими мунтахаби Куриёи Шимолӣ барои доир кардани бозии охирини интихобии Ҷоми ҷаҳон бо дастаи мунтахаби мамлакат, ки рӯзи 29 феврал дар гурӯҳи «С»-и қитъаи Осиё дар варзишгоҳи “20-солагии Истиқлолияти Тоҷикистон”-и шаҳри Хуҷанд мегузарад, ҳозир шуд. Меҳмонон дар истирохатгоҳи «Бонки миллӣ», ки дар шаҳри Қайроққум воқеъ аст, ҷойгир шуданд. Натиҷаи дидори охирини тимҳои миллии Тоҷикистону Куриёи Шимолӣ ба ҷадвали гурӯҳ таъсир нарасонад ҳам, он метавонад ба рейтинги FIFA, ки ҳар моҳ гузаронида мешавад, таъсири худро гузорад. Дар робита ба ин вохӯрӣ дастаи мунтахаби кишвар дирӯз охирин бозии таҷрибавии худро бо тими “Хуҷанд”-и Хуҷанд доир намуда, бо натиҷаи 1 бар 0 пирӯз шуд. Голро Фаррух Чориев дар дақиқаи 71-ум ба дарвоза зад.Ҳайати тими миллии кишвар аз 23 бозингар иборат буда, таҳти раҳбарии сармураббӣ Камол Алиспахич, мутахассиси босниягӣ бори аввал бо бозии расмӣ ба майдон меоянд. 12 нафар бозингари тими “Истиқлол”-и Душанбе, 8 нафар аз “Регар-ТадАЗ”-и Турсунзода, якнафарӣ аз тимҳои “Равшан”-и Кӯлобу “Энергетик” ва як дастпарвари футболи тоҷик аз клуби “Шинник”-и Ярославли Русия шарафи футболи мамлакатро ҳимоя мекунанд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






