Қатъи бозӣ аз барои футболбози беҳушгашта
Душанбе, 19 март. ( АМИТ «Ховар», Аловиддин Бӯриев).- Вохӯрии байни дастаҳои «Тотенҳем» ва «Болтон» дар идомаи бозиҳои ¼ ниҳоӣ барои Ҷоми Англия аз сабаби аз ҳуш рафтани нимҳимоятгари дастаи «Болтон» Фабрис Муамба дар дақиқаи 43-ум боздошта шуд. Ин воқеа бе ягон бархӯрд ба амал омад. Ҳолати бозингар хеле бад буд ва ӯ ба беморхона интиқол дода шуд.Баъди ин ҳолат довари бозӣ Ҳовард Уэбб машварат анҷом дода, идома додани бозиро манъ кард. Алҳол дар бораи кай барпо шудани ин вохӯрии мавқуфшуда хабар нарасидааст.