Ҷаласаи комиссия

Душанбе, 5 март. (АМИТ «Ховар», Покиза Маҳмадбекова). – Дар шаҳри Душанбе таҳти раёсати вазири молияи ҶТ Сафаралӣ Наҷмиддинов ҷаласаи комиссияи оид ба тарҳрезии лоиҳаи таҳрири нави Кодекси андози Тоҷикистон баргузор гардид. Тавре дар Маркази матбуоти Вазорати молияи мамлакат ба АМИТ «Ховар» хабар доданд, муовини вазири молияи ҶТ Ҷамшед Норинов дар ҷараёни ҷаласа зикр намуд, ки аз муассисаҳои давлатию ғайридавлатӣ, ассосиатсияҳо, соҳибкорон ва шахсони алоҳидаи ҳуқуқӣ бобати тарҳрезии лоиҳаи таҳрири нави Кодекси андози ҶТ ба унвонии комиссия расидааст. Дар ҷаласаи гурӯҳи корӣ намояндагони мақомоти ҳокимияти давлатӣ, бахши инфиродӣ ва тоҷирони ассосиатсияҳо иштирок доштанд. Алҳол гурӯҳи корӣ пешниҳоду хулосаҳоро аз рӯи лоиҳаи таҳрири нави Кодекси андози ҶТ бо иштироки намояндагони вазорату идораҳо муҳокима ва таҳлил менамояд.