Боз як ташаббуси нависанда

Душанбе, 15 март. (АМИТ «Ховар», Дилшодаи Хайруллоҳ).- Бо ибтикори нависанда ва рӯзноманигори шинохта , барандаи ҷоизаи Иттифоқи журналистони Тоҷикистон ба номи Лоҳутӣ Садриддин Ҳасанзода бахшида ба таҷлили ҷашни байналмилалии Наврӯз миёни мактабҳои деҳоти Мирзоалӣ Вайсови ноҳияи Восеъ аз рӯи намуди волейбол қувваозмоӣ доир гашт. Дар ин чорабинии варзишӣ собиқадорону устодони маъруфи варзиши кишвар, намояндагони мақомоти иҷроияи ҳокимияти давлатии ноҳияи Восеъ ва меҳмонон иштирок доштанд. Дар ҷамъбаст дастаи волейболбозони мактаби рақами №56 ҷои аввал, мактаби №26 ҷои дуюм ва мактаб- интернати рақами №2 ҷои сеюмро ишғол намуд. Ғолибон бо мукофоти молӣ, нишони таъсискардаи сарпараст ва ҷоми ҷаҳонпаҳлавон Сайид Маҳмуд Маҳмадрасулов, инчунин бо ифтихорномаҳои Муассисаи давлатии телевизиони «Баҳористон» қадрдонӣ шуданд.