Десантчиёни ҷавон аз Остона баргаштанд
Душанбе, 2 март. (АМИТ «Ховар», Дилшодаи Хайруллоҳ).- Варзишгарони клуби «Десантчиёни ҷавон» — и Кумитаи Марказии Ташкилоти ҷамъиятии мададгори мудофиаи Ҷумҳурии Тоҷикистон дар мусобиқаи байналмилалии каратэ – кёкушинкай дар шаҳри Остонаи Ҷумҳурии Қазоқистон иштирок намуда, соҳиби як медали тилло, як медали нуқра ва ду медали биринҷӣ гардиданд.Дар мусобиқа аз кишварҳои Федератсияи Русия, Украина, Олмон, Қазоқистон, Тоҷикистон ва Қирғизистон дар маҷмӯъ 450 нафар варзишгар иштирок намуд. Варзишгари наврас Сироҷиддин Ҷалилов соҳиби ҷойи аввал, Нуруллои Фарзод ҷойи дуюм, Искандар Яқубов ва Муҳибулло Нуров сазовори ҷойи сеюм гардиданд.