Мубориза бо ҳуқуқвайронкунӣ дар соҳаи моликияти зеҳнӣ

Душанбе, 1 март. (АМИТ «Ховар», Холов Умед). — Дар вилояти Суғд қарори раиси вилоят доир ба ҳуқуқвайронкунӣ дар соҳаи моликияти зеҳнӣ ба имзо расид. Мувофиқи қарори мазкур ҳайат ва низомномаи комиссияи вилоятӣ доир ба ҳамоҳангсозии фаъолият дар мубориза бо ҳуқуқвайронкунӣ дар соҳаи моликияти зеҳнӣ тасдиқ гардид. Вазифаи асосии комиссия ин фаъолияти мақомоти иҷроияи ҳокимияти давлатии вилоятро бо дигар мақомоти дахлдори давлатӣ, аз ҷумла корхонаю муассисаҳо баррасӣ намуда, дар мубориза бо ҳуқуқвайронкунӣ дар соҳаи моликияти зеҳнӣ кӯмак расонидан мебошад.Ҳамчунин ба шӯъбаи иттилоотию таҳлилӣ-хадамоти матбуоти раиси вилоят супориш дода шудааст, ки перомуни корҳои анҷомдодаи комиссия тариқи воситаҳои ахбори оммаи вилоят маълумот пахш кунад.